Lyceum puntirya ang No. 3 win laban sa Mapua
MANILA, Philippines – Ikatlong panalo ang susubukang sungkitin ng Lyceum Lady Pirates sa pagharap sa Mapua University Lady Cardinals sa pagpapatuloy ng elimination round ng NCAA Season 95 women’s volleyball tournament sa The Arena sa San Juan City.
Magbabanggaan ang Lady Pirates at Lady Cardinals ngayong alas-12 ng tanghali kasunod ang tapatan ng Emilio Aguinaldo College Lady Generals at San Sebastian Lady Stags sa alas-2 ng hapon.
Naging kampante ang Lady Pirates matapos maibulsa ang dalawang sunod na panalo bago ito putulin ng Letran Lady Knights sa kanilang five-set thriller noong Biyernes, 28-26, 25-27, 25-16, 19-25, 14-16.
Nasayang ang double-double finish ni Monica Sevilla na 17 points at 14 excellent digs, pero inaasahan na muli siyang bibirada para pangunahan ang tropa kasama sina Alexandra Rafael, Mary Joy Onofre, Ciarnelle Wanta, Jacqueline Acuña at Venice Puzon.
Sa panig naman ng Lady Carnidals, pipilitin ng tropa na madagit ang ikalawang panalo sa liga at maitaas ang posisyon sa team standings.
Matapos madagit ang kanilang unang tagumpay sa season kontra sa EAC ay nalugmok muli ang Mapua nang malasap ang ikaapat na sunod na kabiguan sa kamay ng JRU Lady Bombers, 18-25, 18-25, 29-31.Sasandalan muli ang Lum sa alas-8:30 at sa alas-10 ng umaga, habang sa alas-3:30 at alas-5 ng hapon ay ang salpukan ng EAC at San Sebastian.
- Latest