May misyon si Folayang sa Enero 31
MANILA, Philippines — Ang muling pagkilala bilang world champion ang pangunahing nasa isip ngayon ni Eduard Folayang.
Nakatakdang labanan ni Folayang, ang dating two-time ONE lightweight ruler, si Pieter Buist sa ONE: “Fire & Fury” sa Enero 31 sa Mall of Asia Arena sa Pasay City.
Para sa veteran leader ng Team Lakay, ang pag-bangon niya sa ilang kabiguan noong 2019 ang lalo pang nagpalakas sa kanya.
“The best thing about martial arts is that we have learned that it is the process for us to be a better human being,” wika ni Folayang.
“I always strive to be a better martial artist. Setbacks help make us stronger to overcome more difficult challenges in life,” dagdag pa ng 35-anyos na tubong Baguio City.
Nagmula sa Folayang sa isang technical decision win laban kay Amarsanaa Tsogookhuu sa ONE: “Masters of Fate”.
Nauna nang nakalasap si Folayang ng back-to-back submission defeats kina dating UFC Lightweight champion Eddie Alvarez at dating two-time ONE lightweight titlist Shinya Aoki.
- Latest
