Chooks-to-Go Kaya ‘Yan, Manok ng Bayan sports para sa mga PIDs

MANILA, Philippines — Inaasahang magbibigay ito ng inspirasyon sa mga persons with intellectual disabilities (PIDs).

Kahapon ay inilunsad ng Chooks-to-Go ang “Kaya ‘Yan, Manok ng Bayan” na isang year-long campaign na may layuning isali ang mga persons with intellectual disabilities (PIDs) sa sports.

Nilagdaan nina Bounty Agro Ventures, Inc. president Ronald Mascariñas at Special Olympics Asia Pacific president at managing director Dipak Natali, kinatawan ni Kaye Chastine Samson, ang nasabing partnership.

Magtutulong ang dalawang grupo sa pagsasagawa ng mga sports fest at training sessions para sa mga PIDs sa buong bansa.

“Filipinos with intellectual disabilities have inherent dignity and abi-lities that must be recognized,” ani Mascariñas. “We are grateful to SOAP for helping us appreciate more deeply the unique contribution of PIDs to the world of business.”

Kasama rin sa prog-rama ng Chooks-to-Go ang pagbibigay ng trabaho sa mga PIDs sa kanilang opisina.

“Our 22 business centers are mandated to hire at least one PID,” wika ni Mascariñas. “Kung ano ang kaya nilang gawin, that is the work that will be given to them. And then we will make an assessment.”

Nangako rin na tutulong sa programa sina Kaya ‘Yan Manok ng Bayan Ambassador Kobe Paras, Athletes Commission chairman Niko Huelgas at mga bagong miyembro ng Chooks-to-Go program na sina surfer Roger Casugay at skateboarder Jaime De Lange.

Sina Casugay at De Lange ay kumubra ng gintong medalya sa nakaraang 30th Southeast Asian Games sa kani-kanilang events.

Binigyan ng Chooks-to-Go sina Casugay at De Lange ng tig-P100,000 bilang cash incentive.