Ginebra, Meralco agawan sa 2-1 lead
MANILA, Philippines — Ilang oras pa lamang matapos ang 102-104 kabi-guan ng Barangay Ginebra sa Meralco sa Game Two ay kinalimutan agad ito ni coach Tim Cone.
Bagama’t nakabangon mula sa 19-point deficit sa second period ay nabigo pa rin ang Gin Kings na manakaw ang panalo mula sa Bolts.
“We battled back, which I’m proud of, but that’s not going to be enough for this series,” wika ni Cone. “Being proud of the guys is not going to win the series for us. We got to do more.”
Pag-aagawan ng Ginebra at Meralco ang 2-1 bentahe ngayong alas-6:30 ng gabi sa Game Three ng PBA Governor’s Cup Finals sa Smart Araneta Coliseum.
Nagsalpak ang Bolts ng PBA Finals record na 16 three-point shots sa Game Two noong Biyernes sa Lucena City para itabla sa 1-1 ang kanilang best-of-seven titular showdown ng Gin Kings.
Nauna nang kinuha ng Ginebra ang 91-87 panalo sa Game One noong Martes sa Big Dome.
Sa Game Two ay kumolekta si two-time PBA Best Import Allen Durham ng 21 points, 18 rebounds at 6 assists at nagsalpak si Baser Amer ng 17 points tampok ang dalawang triples sa dulo ng final canto.
Nakahugot din ng suporta si Durham mula kina role players Nico Salva, Bryan Faundo at Anjo Caram.
“We wanted to tie the series. It was a little bit scary with them hitting three 3-point shots in the last minute, but a win is a win and it gives us a chance to even the series and move on to the next game,” ani Meralco mentor Norman Black. “This was all about just trying to even the series, get it 1-1. We know we have to go back on Sunday in Manila, and we’re not gonna have much rest so this was a big win for us. We could not afford to go back 0-2.”
Nakamit naman ni Gin Kings import Justin Brownlee, umiskor ng 35 points, ang record na ika-326 triples na siyang pinakamaraming naisalpak ng isang import sa PBA.
Sinapawan ni Brownlee ang 325 triples ni dating San Miguel import Lamont Strothers.
Muling makakatuwang ni Brownlee para sa Ginebra sina Stanley Pringle, Japeth Aguilar, LA Tenorio, Greg Slaughter at Scottie Thompson.
- Latest
