Tayaan sa trifecta at DD+1 sa Metro Turf itataas
MANILA, Philippines — Nag-anunsyo ang pamunuan ng Metro Turf Club sa kanilang Facebook Page na magtataas sila ng tayaan sa Trifecta at Daily Double +1, (DD+1) Events.
Mula sa P2.00 kada isang ticket, tataas ito sa P5.00, simula sa Enero 14 na ipatutupad lang sa pista ng Metro Turf Club.
“Effective January 14, 2020, betting for Trifecta and Daily Double + 1 events at Metro Turf Club Races will increase from P2.00 to P5.00.” nakasaad sa inilabas na statament ng MTCI.
Maraming karerista ang hindi nagustuhan ang nasagap na balita, may iba naman na tahimik lang dahil ang katwiran nila ay hindi naman sila nananaya ng DD+1 at Trifecta.
“Sa P2.00 na halaga medyo hirap nang manaya ang iba e di lalo na sa P5.00, sa akin okey lang kasi bihira lang ako manaya sa trifecta at DD+1, may naisusugal ako sa Quartet, Pentafecta, Super Six at Winner Take All at Pick 6,” paliwanag ni Christopher Orasyon, mananaya na taga-Tayuman.
Samantala, ang ibang tayaan na nagkakahalaga ng P5.00 ay ang Daily Double, Forecast, Extra Double, Win at Place habang ang mga tig-P2.00 ay WTA, Pick 6, Pick 5, Pick 4, Quartet, Pentafecta at Super Six.
Di Bale sa Metro Turf lang naman, e di hindi ako mananaya kapag doon ang karera tutal dalawang araw lang naman pagkatapos lilipat na sa Santa Ana at San Lazaro, dun ako mananaya, kuwento Edong Dionicio, karera veteran.
- Latest
