Desidido si Garcia kay Pacquiao
MANILA, Philippines — Gagawin ni dating two-division world champion Danny Garcia ang lahat para makuha ang mega bout laban kay world champion Manny Pacquiao.
Nakatakda munang harapin ni Garcia si Ivan Redkach sa Enero 25.
At kung mananalo ito, mas lalong lalakas ang kanyang tsansang makuha ang pagkakataong makalaban si Pacquiao ngayong taon.
Alam ni Garcia ang kalidad ng pangalan ni Pacquiao.
Mataas ang respeto nito sa Pinoy world champion na itinuturing na le-gendary at Hall of Famer sa mundo ng boksing.
Kailangan ng malakas na puwersa para talunin si Pacquiao na posibleng maging dahilan para mapuwersa itong magretiro.
“He’s definitely a Hall-of-Famer. I just don’t know what he has left to prove, if you really think about it. Probably the money – that’s about it. But he’s a legend. He’s done it all, and he’s still here. So, someone has to get him out of there to get him to retire,” ani Garcia sa Boxing Scene.
Kaya naman kung nais ni Garcia na mas paningningin ang kanyang pangalan, kailangan niya umanong matalo si Pacquiao para mas lalong maging makislap ang kanyang boxing career.
“In order to become a legend, you’ve gotta beat the legend. You know, Manny Pacquiao’s had an incredible career. Being 40 years old and beating a prime Thurman, he’s had an incredible career,” ani Garcia.
Ayon pa kay Garcia, hindi birong makaharap si Pacquiao na sa kabila ng kanyang edad, nagtatag-lay pa rin ito ng makamandag na kamao.
“He’s somebody definitely all the boxers should look up to. And for me to get the opportunity to fight him, you know, you’ve gotta beat the legend to be the legend. And that’s how I look at it,” ani Garcia.
Patunay aniya ang matikas na panalo nito kay Keith Thurman noong Hulyo para maagaw ang World Boxing Association super welterweight crown.
“That’s a big win,” wika pa ni Garcia.
Target ni Pacquiao na depensahan ang kanyang WBA welterweight belt sa Abril.
Maliban kay Garcia, kabilang din sa mainit na kandidato sina Shawn Porter at Mikey Garcia.
Hindi pa rin nawawala sa senaryo ang posibilidad na magtuos sina Pacquiao at undefeated American fighter Floyd Mayweather Jr. sa isang mega blockbuster rematch na inaabangan ng buong mundo.
- Latest
