Amit kumapit sa World No. 3 ranking
MANILA, Philippines — Nanatiling nakakapit si Southeast Asian Games gold medallist Rubilen Amit sa No. 3 spot base sa inilabas na world ranking ng World Pool-Billiard Association (WPA).
Umani ang 38-anyos Cebuana ng 9,173 puntos mula sa mga international tournaments na nilahukan nito.
Kumana ng 5,323 points si Amit sa kaniyang runner-up sa 2019 World 9-Ball China Open at karagdagang 3,850 points sa fourth-place finish sa 2019 Women’s World 9-Ball Championship sa Sanya, China.
Maningning din ang taong ito para kay Amit na nakasungkit ng dalawang ginto sa katatapos na 2019 Southeast Asian Games na ginanap sa Maynila.
Sumulong naman sa ika-14 puwesto mula sa dating ika-25 si Chez-ka Centeno bunsod ng naitalang 4,657 points.
May nakuhang 2,200 puntos si Centeno sa World 9-Ball at 2,457 puntos sa China Open.
Umentra naman sa ranking sina Floriza Andal at Iris Ranola.
Magkasalo sa No. 41 sina Andal at Ranola na may parehong 1,650 points kasama ang siyam pang ibang manlalaro na may katulad na puntos.
Nangunguna sa lista-han si Chen Siming ng China na may 10,970 puntos kasunod sa ikalawa ang kanyang kababa-yang si Yu Han na nagrehistro ng 9,480 puntos.
Pasok sa Top 10 sina No. 4 Kelly Fisher ng Great Britain (8,776) kasunod sina Jasmin Ouschan ng Austria (8,226), Liu Sha Sha ng China (7,480), Xiao Fang Fu ng China (6,757), Zhang Muyan ng China (6,026), Chou Chieh-Yu ng Chinese-Taipei (5,676) at Huan Qingning ng China (5,207).
- Latest
