Iloilo wagi sa Rizal; Bacolod binigo ang Bicol
MANILA, Philippines — Inako ni Jerson Prado ang trabaho sa pag-iskor sa fourth quarter para igupo ng Iloilo United Royals ang Rizal Golden Coolers, 71-65 kamakalawa sa Chooks to Go-Maharlika Pilipinas Basketball League Lakan Season sa Imus Sports Complex.
Iniskor ng 6-foot-5 na si Prado, dating team captain ng UP Fighting Maroons, ang unang 10 points ng Iloilo sa decisive period na sapat na para sa ikaanim na panalo ng Royals, 66-65.
Ngunit umiskor pa ng tres si former pro player Al Francis Tamsi ng triple at nagdagdag si Richard Escoto ng dalawang free throws para sa final score na nag-angat sa Royals sa 15-8 para makatabla ang Basilan Steel sa fourth place ng South division.
Tumapos si Tamsi ng 16 points kasunod si Prado na may 12 points at 7 rebounds habang si Escoto ay may 10.
Ang Golden Coolers na lumamang pa sa 63-62 matapos ang eight-point cluster ay bumagsak sa 4-17 ng North division.
Hindi pinaiskor ng Bacolod Master’s Sardines ang Bicol Volcanoes sa overtime patungo sa 76-72 panalo sa second game.
Pinaiskor ng Bacolod si Chris Lalata bago patahimikin ang Bicol para sa kanilang ikalawang sunod na panalo at umangat sa 8-15 sa South division.
Naputol ang five-game win run ng Volcanoes at bumagsak sa 13-12.
Pinangunahan ni Ralph Tansingco ang Bacolod na may 15 points bukod pa sa 5 rebounds kasunod si Ben Adamos na may 11 poiunts habang sina Jess Mar Villahermosa, Jopher Custodio at Yankee Haruna ay may tig-10 points.
Sa kanilang ikalawang laro sa loob ng tatlong araw lamang ay iniwanan ng Imus Bandera ang Navotas-Uni-Pak Sardines sa kaagahan ng third quarter para dumiretso sa kanilang ikaanim na panalo sa 26 laro.
- Latest