Goodbye Pilipinas, hello Vietnam

MANILA, Philippines – Isang malaking selebrasyon ang closing cere-monies kagabi ng 30th Southeast Asian Games sa punung-punong New Clark City Stadium sa Pampanga upang ipagdiwang ang overall championship ng Team Phi-lippines.

Malakas ang hiyawan ng crowd sa bagong gawang stadium sa pagparada ng Philippine Team kung saan ang Pinoy surfer hero na si Roger Casugay ang flag bearer ng Phl team.

Hindi napigilan ng mga delegasyon mula sa 11 bansa, kasama ang Pilipnas, na sumabay sa saliw ng mga kanta ni Apl.De.Ap (Allan Pineda Lindo, Jr.) at ng Black Eyed Peas.

Tampok ang makulay na fireworks ang nasaksihan na sinundan ng concert ni Apl.De.Ap.

Matapos ang 10 araw na aksiyon, pormal na tinapos ang kompetisyon sa pagpatay ng SEA Games flame sa kontrobersiyal na P55-million na cauldron.

Sa turnover ceremony ay ipinasa nina Tolentino at Phisgoc chairman at House Speaker Alan Peter Cayetano ang SEA Games flag sa kinatawan ng Vietnam.

Si Apl.De.Ap din ang pumagitna sa opening ceremonies ng 2019 SEA Games noong Nobyembre 30 sa Philippine Arena sa Bocaue, Bulacan.