76ers wagi sa Denver

PHILADELPHIA – Umiskor si center Joel Embiid ng 22 points kasama dito ang dalawang mahalagang free throws sa huling 15.3 segundo para ihatid ang 76ers sa 97-92 panalo laban sa Denver Nuggets.

Nagdagdag si Tobias Harris ng 20 markers para sa 13-0 home record ng Philadelphia, nakahugot kay Matisse Thybulle ng 13 points.

Ito ang ikatlong sunod na ratsada ng Philadelphia at pangpito sa huli nilang walong laro.

Binanderahan naman ni Will Barton ang Nuggets, nalasap ang pangatlong dikit na kamalasan  sa kanyang 26 points.

Nagkaroon si leading scorer Jamal Murray ng injury sa huling 6:49 minuto sa first quarter nang mag-kabanggan sila ni Ben Simmons.

Sa Portland, humataw si Damian Lillard ng 31 points, tampok dito ang walong 3-pointers para tulu-ngan ang Trail Blazers sa 115-87 pagbugbog sa New York Knicks.

Ipinalasap ng Portland ang pang-10 dikit na kamalasan ng New York.

Humakot si big man Hassan Whiteside ng 17 points at 15 rebounds para tapusin ng Blazers ang kanilang two-game losing skid.

Sa Miami, pinantayan ni Duncan Robinson ang franchise record sa kanyang 10 triples at nagtala sina Bam Adebayo at Jimmy Butler ng triple-doubles para sa 135-121 overtime win ng Heat kontra sa Atlanta Hawks.

Nagpasabog si Kendrick Nunn ng 36 points para sa Miami.

Tumapos naman si Adebayo na may career-high 30 points, 11 rebounds at 11 assists at nagsumite si Butler ng 20 points, career-high 18 rebounds at 10 assists.