PCSO Presidential Gold aabangan
MANILA, Philippines — Tiyak na aabangan ng mga karerista ang bakbakan sa PCSO Presidential Gold Cup championship na ikakasa sa Disyembre 22.
Nagparamdam ng pagsali ang Super Sonic at Princess Eowyn na matagal nang inaabangan ng mga karerista.
Inaasahan din na sasali si defending champion Sepfourteen at Boss Emong.
Si Sepfourteen ang reigning Philippine Sportswriters Association, (PSA) Horse of the Year awardee.
Isa sa inaantay din ng mga karerista ngayong buwan ay ang bakbakan sa 2019 PHILRACOM Grand Sprint Championship na pasisibatin sa Disyembre 15 sa Metro Turf, Malvar - Tanauan City, Batangas.
Wala pang idineklarang kabayong sasalang sa nasabing event na may distansyang 1,200 meter race pero tiyak na marami ang magpapatala dahil sa laki ng premyo.
Ikakalat ang P1-M guaranted prize sa unang apat na kabayong tatawid sa meta kung saan nakalaan ang P600,000 sa magkakampeon.
Tatanggap naman ng P30,000 ang breeder ng winning horse sa event na suportado ng Philippine Racing Commission, (PHILRACOM).
Subalit bago ang nasabing karera, una munang susuportahan ng mga karerista ang 2019 PHILRACOM “Three-year-old Local Championship Race na ilalarga sa Disyembre 8 sa Santa Ana Park sa Naic, Cavite.
May 1,800 meter race at kahabaan ang karera, na may total P1.5-M na ipamumudmod sa mga matitimbang na kabayo.
Tulad sa Grand Sprint Championships, wala pang nakalistang kabayong kasali.
Ihahain ang P900,000 sa magkakampeon habang P337,500 at P187,500 ang sisikwatin ng second at third placers ayon sa pagkakasunod.
Ilalaan naman ang 75,000 sa pang-apat na puwesto.
Ngayon ang declaration ay may fee itong P15,000.
- Latest
