Luol Deng pinarangalan

CHICAGO – Hindi lamang si guard Derrick Rose ang tanging bisita na tumanggap ng malaking reception dito sa United Center sa 109-89 paggupo ng Bulls kontra sa Detroit Pistons.

Ito rin ang natanggap ng dati niyang teammate na si Luol Deng.

Noong Oktubre ay pumirma si Deng sa isang one-day deal para magretiro bilang player ng Bulls matapos ibuhos ang 10 sa kanyang 15 seasons sa Chicago.

Pinarangalan siya ng Bulls sa second quarter nang bigyan si Deng ng isang standing ovation ng 18,119 fans habang nakaupo suot ang mid-level suite.

“It’s what made sense,” wika ni Deng sa kanyang pagreretiro bilang Bull player. “Chicago means a lot to me when you look back, just at my career as a basketball player coming here as a young man, 19, but it’s a lot of history here and I wanted it to end the right way. The best way to do it is with familiar faces and people that know me very well.”

Umiskor naman si Rose, inilaro ang una iyang pitong seasons sa Chicago ng 18 points para sa Pistons.

Nanood din ang mga dating teammates ni Deng sa Bulls na sina Jannero Pargo, Tyrus Thomas, Joakim Noah, John Lucas III, Ben Gordon, Aaron Gray at Nazr Mohammed para suportahan ang two-time All-Star.