Cavaliers binistay ang Graftbusters
MANILA, Philippines — Dumiretso ang nagdedepensang Armed Forces of the Philippines sa kanilang pang-limang sunod na panalo, habang ginulat ng Department of Environment and Natural Resources ang Malacañang-Philippine Sports Commission, 80-77, sa 8th UNTV Cup sa Pasig City Sports Center.
Pinatumba ng AFP Cavaliers ang Ombudsman Graftbusters, 92-74, para manatiling lider sa Group A elims ng annual tournament para sa mga public servants.
Binura ng Cavaliers ang 13-20 first quarter deficit sa likod nina Romeo Almerol at Wilfredo Casulla para ungusan ang Graftbusters sa 67-55 patungo sa payoff period.
Humataw si Almerol ng 21 points para sa Cavaliers, nakahugot kina Casulla, Jerry Lumungsod at dating Letran guard Boyet Bautista ng tig-17 markers.
Samantala, pinabagsak naman ng PhilHealth ang SSS, 104-80, para itaas ang kanilang marka sa 2-3 sa team standings sa Group A.
- Latest
