Pinas puwede sa 3x3 sa Olympics

MANILA, Philippines — Buhay pa ang pag-asa ng Pilipinas na ma­kum­pleto ang pagbabalik sa Olympic Games.

Ito ay matapos ma­ka­pasok ang bansa sa 2019 FIBA 3x3 Men’s Olympic Qualifying Tour­­nament na gagana­pin sa India sa Marso na siyang magiging posibleng daan patungo sa 2020 Olympics sa Tok­yo, Japan.

Isa ang Pilipinas sa 20 bansang nakapasok sa torneo matapos ang ilang buwan na qua­li­fi­cation.

Ito ay base sa paha­yag ng FIBA kamaka­la­wa ng gabi sa Utso­no­miya, Japan.

Tatlong tiket lamang sa 2020 Olympics ang nakataya sa qua­lifiers na hangaring ma­­­sikwat ng Pilipinas upang ma­wakasan ang 47-taong basketball drought sa Summer Games na pi­na­kamalaking sporting event sa buong mundo simula nang huling ma­kapasok noong 1972 sa Germany.

Hindi naging mada­li ang daan ng bansa pa­tungo sa OQT nang magsimula ito bilang No. 59 sa FIBA 3x3 World Rankings noong Pebrero.

Subalit dahil ran­king points ang basehan sa 3x3 hindi katulad ng sa 5-on-5, nagsimulang gumalaw ang bansa sa pa­ngunguna ni Ronald Mas­­cariñas ng Chooks-To-Go na inilunsad ang Chooks-To-Go Pilipinas 3x3 League na na­ging daan ng bansa sa pag-ak­yat sa Top 20 noong Ok­tubre.

Naisakatuparan ito sa idinaos ng Chooks na President’s Cup, Magi­ting Cup at Patriot’s Cup at ang 14-leg in­vi­tational tourney na MelMac Cup.

Kasama ng Pilipinas sa Pool C ang Slove­nia, Qatar, Franxe at Do­minican Republic at nasa Pool A ang Mongolia, Poland, Brazil, Turkey at Spain, habang nasa Pool B ang USA, Lithuania, Belgium, South Korea at New Zea­land at ang Pool D ay binubuo ng Netherlands, Latvia, Ca­nada, Croa­tia at host In­dia.