Curry nabalian ng kamay sa kabiguan ng Warriors
SAN FRANCISCO – Nabalian ng kaliwang kamay si Stephen Curry at naging pinakabagong Golden State Warriors player na may injury.
Nangyari ito sa third period sa 121-110 paggiba ng Phoenix Suns kontra sa Warriors.
Sumalaksak ang two-time MVP laban kay Kelly Oubre Jr. at bumangga kay big man Aron Baynes sa shaded lane sa 8:31 minuto ng third quarter kung saan hawak ng Suns ang 83-54 bentahe.
Sa kanilang banggaan ay bumagsak si Baynes sa kaliwang kamay ni Curry.
Kaagad dinala si Curry sa kanilang locker room at hindi na nakabalik sa laro.
“It’s a great opportunity for these young guys to play,” sabi ni Golden State coach Steve Kerr. “It’s also a little bit too much. You want to bring along rookies the best you can. We have no choice with all the injuries. “Where we are, we might as well throw them into the frying pan.”
May 9 points si Curry sa loob ng 21 minuto.
Tumapos si Baynes na may 24 points, 12 rebounds 7 assists at 3 blocks para sa Suns, habang tumipa si star guard Devin Booker ng 31 markers.
Sa Toronto, tumipa si Pascal Siakam ng 30 points, kasama ang 19 sa third periods at nagdagdag si Fred VanVleet ng 13 points at 11 assists sa 125-113 paggupo ng Raptors kontra sa Detroit Pistons.
Ito ang ikaapat na tagumpay ng Toronto sa una nilang limang laro sa season.
Sa Washington, humataw si James Harden ng 59 points, kasama dito ang isng free throw sa huling 2.4 segundo ng final canto, para ihatid ang Houston Rockets sa 159-158 paglusot laban sa Wizards.
Itinala ni guard Russell Westbrook ang kanyang ikalawang triple-double sa season sa tinapos niyang 14 points, 12 assists at 10 rebounds para sa Rockets.
- Latest