Bolick nagkaroon ng ACL injury

MANILA, Philippines — Mas malala kaysa ina­asahan ang dagok na na­tamo ng NorthPort bu­nga ng ACL injury ni rookie Robert Bolick.

Nakumpirma ang na­tu­rang injury ni Bolick ayon sa maraming ulat ka­makalawa na magwa­wakas na nang tuluyan sa impresibong taon ni Bo­lick hindi lamang sa PBA kundi gayundin sa Gilas Pilipinas.

Masama ang naging bag­sak ni Bolick noong na­karaang linggo sa 127-119 panalo ng Batang Pier kontra sa San Miguel.

Bagama’t bumangon pa siya para isalpak ang kan­yang free throws ay agad siyang dinala sa St. Luke’s Medical Center na kamakawala ay napag-alamang ACL injury ang kanyang natamo.

Mawawala ng hanggang walong buwan si Bo­lick at nakatakdang su­­mailalim sa operasyon.

Nagrehistro si Bolick ng mga averages na 12.9 points, 5.0 rebounds at 6.0 assists sa 2019 PBA Go­vernors’ Cup para sa 3-4 ba­raha ng NorthPort.

Isa si Bolick, ang No. 3 overall pick ng nakaraang draft, sa matunog na kandidato para sa PBA Roo­kie of the Year ka­sa­ma si top pick CJ Pe­rez ng Columbian.