Smashers vs Gazz Angels para sa korona ng open Conference

MANILA,Philippines — Sa pangalawang sunod na kumperensiya ay mu­ling magsasagupa pa­­ra sa korona ng Premier Volleyball League Season 3 Open Confe­rence ang PetroGazz at Creamline matapos talu­nin ang kani-ka­ni­lang ka­ribal sa Game Two ng best-of-three se­mi­finals series kahapon sa The Are­na sa San Juan City.

Maagang pinauwi ng 2019 Reinforced Confe­rence na Gazz Angels ang BanKo Perlas Spi­kers, 28-26, 25-17, 25-17, sa unang laro para sa kunin ang unang sil­ya ng Finals, habang dino­mi­na ng nagdedepensang Cool Sma­shers ang Mo­tolite, 25-18, 25-15, 25-8.

Pinamunuan ni Jo­vielyn Prado ang Petro­Gazz sa pagposte ng triple-double finish na 13 points, 14 receptions at 11 digs at tumipa naman sina Paneng Mercado at Jonah Sabete ng 11 at 10 markers, ayon sa pagkakasunod.

“Na-overcome namin ‘yung challenge, not the challenge sa  tournament, hindi naman namin ine-entertain ‘yung mga bashers but most of the people na nakasu­baybay sa liga na­­tin. At least kahit papa­ano ay nasa Finals kami at ‘yung challenge na binigay nila sa amin na-overcome namin,” sabi ni Gazz Angels coach Arnold Laniog.

Sinamantala ng Gazz Angels ang momentum na bitbit nito matapos ang tagumpay nila sa Game One at sa likod ni­na Sabete at Prado ay umariba sila sa second set para iposte ang 16-9 bentahe patungo sa pa­na­lo sa Perlas Spikers.

Muling nagning­ning si Alyssa Valdez pa­ra pamunuan ang Creamline nang magrehistro ng 15 points mula sa 10 attacks, 3 aces at 2 blocks, habang may 12 mar­kers at 11 digs si Jema Galanza.

“Very, very happy. We’re very contented and honestly for the first time we’re complete as a team. We’re just happy being altogether and hopefully, mas magka­ro­on pa kami ng connec­tions sa darating na Finals,” ani Valdez.

Kaagad kinontrol ng Cool Smashers ang laro sa first set patungo sa pa­­nalo sa Motolite.

Paglala­ba­nan ng mga na­talong BanKo Perlas Spikers at Motolite ang third place trophy.