Diaz, Marcial Obiena, Didal Yulo flag-bearer sa SEAG

MANILA, Philippines — Isa kina weightlifter Hidilyn Diaz, gymnast Carlo Yulo, pole vaulter EJ Obiena, boxer Eumir Felix Marcial at skateboarder Margie Didal ang magiging flag-bearer sa parada ng mga teams sa 30th Southeast Asian Games sa November.

Posible ring silang lahat ang maging flag bearer, ayon kay chef de mission at Philippine Sports Commission chairman William “Butch” Ramirez.

Pagdedesisyunan ito sa loob ng dalawang linggo. “All of them are inspiration to Filipinos and deserving to as flag-bearers for bringing ho-nor to the country,” sabi ni Ramirez.

Naka-silver si Diaz sa 2016 Rio Olympics at inaasahan sa unang gold ng Pinas sa 2020 Tokyo Olympics habang nagsubi naman si Yulo ng unang bronze medal ng bansa sa World Gymnastics Championship sa Doha, Qatar at inaasa-hang hahakot ng ginto sa SEAG.

Si Obiena naman ang unang Pinoy na nag-qua-lify sa Tokyo Olympics at paborito ring manalo ng gold sa SEA Games na idaraos mula November 30 hanggang Dec. 11.

Si Felix Eumir Marcial naman ay isang World Youth Cham-pionship gold medalist at World Championship silver medal winner.

Hindi rin puwedeng iitsapuwera si Didal na naka-gold sa Asian Games noong nakaraang taon sa Jakarta Indonesia.

Magiging main hub ang New Clark City sa Pampanga, Subic, Clark at Manila at may mga events din sa Rizal, Laguna, Tagaytay at iba pa.