...Perez, Bolick sa Phl 3x3
MANILA, Philippines — Inireserba ng Sama-hang Basketbol ng Pilipinas (SBP) sina Gilas Pilipinas standout rookies CJ Perez ng Columbian at Robert Bolick ng NorthPort para sa mahalaga ring event na 3x3 basketball sa 30th Southeast Asian Games (SEAG).
Ito ay matapos silang maatasan na manguna sa 12-man 3x3 pool na siyang dahilan ng hindi nila pagkakasali sa 15-man pool ng 5-on-5 basketball.
Makakasama nina Pe-rez at Bolick sina Terrence Romeo ng San Miguel, Anthony Semerad ng TNT, Chris Newsome, Raymond Almazan at Baser Amer ng Meralco, Ian Sangalang ng Magnolia, Mo Tautuaa ng Nortport, Jason Perkins ng Phoenix, Chris Banchero ng Alaska at Mac Belo ng Blackwater.
Tulad ng all-PBA team sa gabay ni Gilas Pilipinas head coach Tim Cone sa 5-on-5 basketball, nagdesisyon ang SBP na sumandal sa all-pro team kahit sa 3x3 para masiguro ang double-gold championship ng bansa ayon kay SBP President Al Panlilio.
Mula sa 15-man pool ay apat na manlalaro lang ang mapipili sa final 3x3 team ng Pilipinas para sa biennial sports event sa Southeast Asia.
“Well, we wanna make sure that we have the best players and we want to win the gold. Again it’s part of the commitment of the PBA supporting the SBP programs in 5-on-5 and 3x3,” ani Panlilio.
- Latest
