Pirates tinuhog ang Blazers

MANILA, Philippines — Nakaeskapo ang Lyceum Pirates kontra sa St. Benilde Blazers, 85-83, habang bumawi naman ang Letran laban sa San Sebastian Stags, 99-82, sa Season 95 NCAA men’s basketball tourna­ment kahapon sa The Arena sa San Juan City.

Nagtala si Jaycee Mar­celino ng 22 puntos, 7 rebounds, 2 assists, 3 steals at 1 block, habang si Mike Nzeusseu ay tu­mipak ng 14 markers at 10 rebounds upang pa­tatagin ng Pirates ang hawak sa ika­lawang pu­westo mula sa kanilang 9-3 kartada sa likuran ng nangungunang San Be­da Red Lions (12-0).

Nagdagdag ng 11 mar­kers at 7 rebounds si Niño Ibañez para pa­tu­nayan ang kanilang do­­minasyon sa Blazers matapos ang 74-71 pa­na­­lo sa first round.

Ngunit hindi kagaya sa unang pagtatagpo, uma­bot sa walong lead changes at limang deadlocks ang laro bago tu­luyang nasungkit ng Ly­ceum ni coach Topex Robinson ang panalo pa­­ra ilaglag ang St. Benilde sa 6-5 marka.

“We struggled a bit in the first half, but we were able to pick it up. We just focused on ma­king stops,” sabi ni Ro­binson.

Sa iba pang laro, ti­nambakan naman ng Let­ran ang San Sebastian para ma­kaganti sa ka­­­ni­lang naunang 101-102 overtime loss sa first round.

Humataw si Bonbon Batiller ng 15 points, 4 rebouds at 3 assists pa­ra itaas ang baraha ng Knights ni coach Bonnie Tan sa 8-4 sa solo third spot at ibaba ang Stags sa 7-4.

Lumapit naman ang Mapua Cardinals sa top four matapos muling pa­­­dapain ang Emilio Aguinaldo College Ge­nerals, 79-76, upang umusad sa 5-6 marka.

Sa juniors’ division, inilampaso ng CSB-LSGH Greenies ang Ly­ceum Junior Pirates, 95-87, para agawin ang ikalawang puwesto sa bit­bit nilang 7-4 kartada.