Coach Okumu dismayado

MANILA, Philippines — Hindi na naitago ni Motolite head coach Godfrey Okumu ang pagkadismaya niya sa tila ‘double standard’ na officiating ng mga referee ng PVL.

Nag-ugat ang lahat nang ilang beses na hindi pinituhan ng mga referee ang errors na ginawa ng Choco Mucho sa  fifth set ng kanilang nakaraang laro kabilang na ang setting error ni Cindy Imbo at overreaching ni Arianne Angustia na nagpatabla ng laro sa 14.

Kinuwestyon din ng University of the Philippines (UP) mentor ang hindi pagpansin ng mga game official kay Flying Titans coach Oliver Almadro na makailang-ulit pumasok ng playing court at paulit-ulit ding nagrereklamo.

“They keep on telling me to stay out, stay out. But when the guy [Almadro] goes in, no one talks to him. So you’re left to wonder, why is there a double standard? I’m sorry to say this, Am I too tall? That everyone sees me when I’m making the noise?” bulalas ni Okumu sa post-game interview.

“I’m not complaining, I’m just putting forward my statement. I’m frustrated as a coach, very, very frustrated with the officiating.”

Hindi rin maintindihan ng Kenyan coach kung bakit maging ang kapitana niyang si Iris Tolenada ay binigyan ng yellow card nang subukan nitong magreklamo sa overreaching na ginawa ni Angustia na nagpahaba sa fifth set.

“They don’t listen to my captain. You send the captain but they sent them back. So, sometimes self-control is good but sometimes, it’s just too much,” dagdag niya. (FJosue, Jr.)