Undrafted NBA player din ang kinuha ng Alaska

MANILA, Philippines – Kagaya ng Columbian, isang undrafted player din ang kinuha ng Alaska para sa kanilang kampanya sa darating na 2019 PBA Governor’s Cup.

Hinugot ng Aces si journeyman Justine Watts matapos mabigo si Branden Dawson na makapasa sa height limit na 6-foot-5 para sa season-ending conference na magbubukas sa Setyembre 20.

Ang 29-anyos na si Watts ay kasama sa champion team ng University of North Carolina noong 2009 US NCAA at naglaro sa mga liga sa Australia, Mexico, Japan, Uruguay, Netherlands, Poland, Qatar, Lithuania at Switzerland.

Hindi na kinuha ni coach Jeffrey Cariaso, pumalit kay Alex Compton, si 2018 PBA Best Import Mike Harris.

Ipaparada naman ng Dyip ang isa ring NBA undrafted player na si Khapri Alston, hindi napili noong 2016 NBA Rookie Draft.

Ang 6’4 na si Alston ay hiniram ng San Miguel para sa Terrific 12 ng East Asia Super League na nakatakda sa Setyembre 17-22 sa Macau.

Samantala, ibabandera naman ng Blackwater si Aaron Fuller, isinuot ang uniporme ng NLEX noong nakaraang taon.

Sa kanyang pagla-laro para sa Road Warriors noong 2017 at 2018 editions ng torneo ay nagtala si Fuller ng mga averages na 27 points, 17.0 rebounds, 4.0 assists at 1.6 blocks.

Umaasa ang Elite na ito rin ang mga nume-rong maibibigay sa kanila ni Fuller.