SSS, DENR sasabak sa UNTV Cup

MANILA, Philippines — Sumali ang Social Security System at Department of Environment and Natural Resources sa UNTV Cup na magdaraos ng ikawalong  edition ngayon sa Mall of Asia Arena sa Pasay City.

Ang pagpasok ng SSS Kabalikat at DENR Warriors ay mag-aakyat ng bilang ng mga partisipante sa 12 koponan.

Ayon kay UNTV President at CEO Dr. Daniel Razon, ang utak sa “Ang Liga ng Public Servants”, isang laro lang sa opening day na malalaman pagkatapos ng gagawing bunutan.

Sapul nang simulan ang liga, pitong taon na ang nakakaraan, sinabi ni Razon na  mahigit P50 million na ang nai-donate sa charity institutions kung saan si Bro. Eli Soriano ang major sponsor.

“Aside from fostering camaraderie among the public servants, we want these government agencies to be given opportunities to help their chosen cha-rities,” sabi ni Razon, na pinili si PBA legend Atoy Co bilang commissioner.

Sinabi ni Razon na ido-donate ng defending champion Armed Forces of the Philippines ang P4 million nilang premyo noong nakaraan sa AFP Educational Benefits System Office para sa educational fund ng mga anak ng mga namatay nang sundalo.

Ang iba pang government na kasali ay ang two-time champion Judiciary, Philippine National Police, Department of Agriculture, Ombudsman, GSIS, Malacañang, Philippine International Trading Corporation, National Housing Authority at PhilHealth. Magbibigay hamon din sa AF ang Malacañang, PNP at NHA.