BaliPure sinunog ang Chef’s Classic

MANILA, Philippines — Nagtala ng double-double finish si Menchie Tubiera para akayin ang BaliPure sa 25-22, 20-25, 27-25, 25-23 panalo kontra sa Chef’s Classic, sa PVL Season 3 Open Con­ference kahapon sa The Arena sa San Juan Ci­ty.

Tumapos ang dating Arellano outside hitter ng 18 points sa likod ng 16 attacks at dalawang blocks at 19 digs, habang tumipa si Grace Bombita ng 13 markers at 16 digs.

Umangat sa 2-3 ba­ra­ha ang Water De­fenders at nanatili sa pang-pitong puwesto sa ila­lim ng PetroGazz Angels (2-2).

“Siyempre masaya ako kasi nanalo kami. Nandoon na ulit kami sa right track, but siyempre kung satisfied, hindi pa ako satisfied doon sa iginalaw namin kasi ma­layung-malayo ito sa ine­ensayo namin,” wika ni Ba­liPure coach Rommel Abella.

Tabla sa 1-1 ang da­la­wa pagpapasok ng third set pero nagawang ma­­­kauna ng Lady Red Spi­­kers nang iposte ang 24-23 bentahe bago na­ka­habol ang Water Defenders para nakawin ang set mula sa back-to-back attacks ni Tubiera.

Gitgitan din sa fourth set kung saan muling na­nguna ang Chefs’ Classic sa 16-14 na agad namang inagaw ng BaliPure, 22-20, patungo sa panalo.

Pumalo ng 24 points si Nieza Viray para sa La­dy Red Spikers.

Samantala, nadagit ng Ateneo Lady Eagles ang solong liderato nang lampusuhin ang San Be­da Lady Red Spikers, 25-15, 24-26, 25-5, 25-20, habang tinalo ng Far Eas­tern University Lady Ta­maraws ang Arellano Lady Chiefs, 25-13, 22-25, 25-22, 25-10 at wina­lis ng St. Benilde Lady Bla­zers ang Lyceum La­dy Pirates, 25-19, 25-12, 25-17.