Manilla aagaw ng eksena sa PVL
MANILA, Philippines — Maraming na-excite sa muling pagbabalik sa volleyball ni legendary spiker Manilla Santos-Ng.
Ano nga ba ang dahilan ng biglaan niyang pagbabalik?
Halos isang dekadang nawala sa local volleyball scene si Santos-Ng, huling naglaro sa UAAP women’s volleyball Season 71 kung saan huli siyang nakatikim ng kampeonato.
Matapos ito ay binitawan niya ang sports kasabay ng pagreretiro ng De La Salle University sa kanyang jersrey No. 14, ang nag-iisang jersey sa women’s volleyball na iniretiro ng eskuwelahan.
Pero noong nakaraang linggo ay muling gumawa ng ingay si Santos-Ng nang umalis sa retirement para maglaro sa Open Conference ng Premier Volleyball League sa tropa ng Choco Mucho Flying Titans.
Sa ginanap na media day ng PVL ay inilahad ni Santos-Ng na ang kanyang anak ang isa sa mga dahilan kung bakit siya muling bumalik sa sports.
“We’ll I came back because my son asked me that he wants to see me play again. So, it all started there,” ani Santos-Ng, makakasama sa kampanya ng Flying Titans sina Kat Tolentino, Maddie Madayag, Bea de Leon, Gyra Barroga at Bang Pineda.
- Latest