San Juan tangka ang win No. 8

MANILA, Philippines — Pupuntiryahin ng San Juan Knights ang kanilang pang-walong panalo sa pagsagupa sa Quezon City Capitals sa Maharlika Pilipinas Basketball League Lakan Season sa ganap na alas-8:30 ngayong gabi sa The Arena sa San Juan City.

Hangad ng San Juan, naghari sa MPBL Datu Cup na mapanatiling malinis ang kanilang imakuladang kartada laban sa Quezon City, may 4-3 marka.

Nagmula ang Knights sa 87-79 overtime win laban sa Bataan Risers noong Hulyo 27 sa Ibalong Centrum for Recreation sa Legaspi City.

Muling sasandal ang tropa kina Mike Ayona-yon, Jhonard Clarito, John Wilson, Mac Cardona at Larry Rodriguez kontra sa Capitals.

Samantala, lalabanan naman ng Batangas City Athletics ang Pasay Vo-yagers sa alas-4 ng hapon kasunod ang sultada ng Muntinlupa Cagers at Nueva Ecija MiGuard sa alas-6:30 ng gabi.

Target ng Athletics, inaugural MPBL Rajah Cup titlist, ang kanilang ikatlong sunod na panalo sa pagharap sa Voyagers, nagmula sa 83-78 paggiba sa Bacolod Strikers noong Agosto 1.

Sina Jhaymo Eguilos at Jeff Viernes ang muling gagabay sa Muntinlupa (3-1) laban kina Jan Jamon at Raymund Ilagan ng Pasay (4-5).