K-12 program pagmumulan ng mga atleta
MANILA, Philippines — Kung ang Cuba ay nanalo ng 78 gold, 68 silver at 80 bronze medals sa kanilang paglahok sa Olympic Games ay maaari itong gayahin ng Pilipinas.
Sinabi kahapon ni Philippine Sports Commission chairman William ‘Butch’ Ramirez na makikipagtulungan sila sa mga government agencies at kay Siklab Foundation of Presidential Adviser for Sports Dennis Uy para sa isang proyekto.
“We have 27 million kids in our hands from 43,000 schools all over the country. If we focus on providing these 27 million kids with qualified coaches and trainers, you can predict that there will be good athletes coming from them,’’ wika ni Ramirez.
Ang mga student/athletes na nakaenrol sa K-12 program ang posibleng pagkunan ng bansa ng mga potensyal na magiging miyembro ng national team sa mga susunod na taon ngunit kailangan nila ng mahuhusay na coaches at trainers, ayon kay Ramirez.
Ang Department of Education ang mangu-nguna sa nasabing proyekto katuwang ang PSC, Commission of Higher Education, mga local go-vernment units, ang Siklab Foundation at ang United States Sports Academy na nakabase sa Alabama.
Simula nang sumali sa Olympics noong 1924 ay nakakolekta lamang ang Pilipinas ng tatlong silver at pitong bronze medals.
“Cuba is not a rich country. But it has a sports institute where all their coaches graduated before training their athletes,” sabi ni Ramirez. “It’s basically the same program all over Europe, the United States and Australia.”
Sinabi ni Dr. Serge Opena, ang PSC national grassroots sports development consultant na susuportahan ng PSC ang first batch ng 100 coaches na tatanggap ng international certificates in sports mula sa USSA.
- Latest