Ginebra gustong tumabla
MANILA, Philippines — Nang binago ni coach Tim Cone ang depensa ng nagdedepensang Barangay Ginebra sa Game Three ay nagsalpak lamang ang TNT Katropa ng masamang 5-for-34 shooting sa three-point line.
Ang resulta nito ay ang 80-72 pagdiskaril ng Gin Kings sa pagwalis sa kanilang best-of-five semifinals series ng Tropang Texters sa 2019 PBA Commissioner’s Cup.
Umaasa ang two-time PBA Grand Slam champion mentor na maduduplika nila ito sa Game Four ngayong alas-7 ng gabi sa Smart Araneta Coliseum.
“We don’t know if it’s gonna work twice so we gotta continue to think out of the box and continue to try to win,” wika ni Cone.
Nauna nang inangkin ng TNT Katropa ang Game One, 95-92 at Game Two, 88-71 para sa tangkang pagwalis sa Ginebra sa serye.
“They beat us two straight, there’s no reason why we can’t beat them three straight,” wika ni Cone, muling aasa kina import Justin Brownlee, Stanley Pringle, LA Tenorio, Japeth Aguilar at Joe Devance para sa Gin Kings katapat sina Terrence Jones, Jayson Castro, Troy Rosario, RR Pogoy at Don Trollano ng Tropang Texters.
Sinabi ni TNT Katropa active consultant Mark Dickel na nabigo silang resolbahan ang depensa ng Ginebra.
“They made some adjustments and made it difficult for us. They played a really good game so we gotta give them credit,” wika ng New Zealander. “It’s on us now to come back and play tougher in Game Four.”
Ipinasok ni Cone bilang starting five sina Brownlee, Pringle, Tenorio, Mark Caguioa at Scottie Thompson na gumulat kay Dickel at coach Bong Ravena.
“They’ve been sagging off certain shooters, so we decided to spread them out a little bit and run the floor,” paliwanag ni Cone.
Habang sinusulat ang balitang ito ay kasalukuyang naglalaban ang San Miguel at Rain or Shine. sa Game 4 ng kanilang sariling semis series.
- Latest
