Walang mahanap na trade para kay Chris Paul
OKLAHOMA CITY -- Wala pa ring nangyayari ukol sa paghahanap ng trade ng Thunder para kay nine-time All-Star guard Chris Paul.
Kasalukuyan pa ring nakikipag-usap ang Oklahoma City kay Paul at sa kanyang mga representatives para maplantsa ang isang trade.
Nakuha ng Thunder ang 34-anyos na si Paul mula sa Houston Rockets kapalit ni star guard Russell Westbrook, muling makakatambal si James Harden matapos ang kanilang panahon sa Oklahoma City, kasama ang dalawang future first-round picks at da-lawang pick swaps.
Posible pang magkaroon ng trade scenarios para kay Paul sa Disyembre 15 kung saan ang mga players na pumirma sa mga offseason free-agent deals ay maaari pang maisama sa trade packages.
Mayroon pang tatlong taong kontrata si Paul na nagkakahalaga ng $124 milyon na maaaring iniiwasan ng ibang koponan.
Maaari ding maglaro si Paul para sa Thunder sa darating na season katuwang sina Paul, Danilo Gallinari, Steven Adams, Dennis Schroder at Shai Gilgeous-Alexander.
Si Paul ang puwedeng magsilbing mentor kay Gilgeous-Alexander, isang second-year guard na ikinukunsidera ng Oklahoma City bilang kanilang ‘future playmaker’.
- Latest