Mighty Sports giniba ang Korea
MANILA, Philippines — Ipinagpag ng Mighty Sports ang South Korea, 89-82, para mapanatili ang malinis na kartada at masikwat ang solong liderato sa 41st Jones Cup kagabi sa Changhua County Gymnasium sa New Taipei City, Taiwan.
Matapos magtayo ng 51-38 abante sa halftime ay nanlamig ang Mighty Sports na sinamantala ng SoKor para sa 66-60 abante.
Subalit hindi nagpatinag ang mga bataan ni coach Charles Tiu nang unti-untiin nila ang SoKor hanggang sa magpakawala ng 11-3 birada upang gawing 83-76 abante ang 72-73 pagkakaiwan sa dulo ng final canto.
Sapat na ang nasabing abante para maibulsa ang mahirap na panalo kontra sa mga tagumpay sa Iran, Jordan, Japan at Canada.
Dahil dito ay umangat sa 5-0 ang Mighty Sports upang masolo ang liderato ng nasabing eight-team Asian invitational crown.
Lumapit din ng dalawang panalo ang Mighty Sports para sa kumpletong pagwalis sa Jones Cup kagaya ng ginawang clean sweep ng koponan noong 2016.
Bumida para sa Go For Gold-backed squad si Renaldo Balkman na kumana ng 19 points, 8 rebounds at 2 blocks.
- Latest
