Anak ni Manny nanalo sa amateur match

MANILA, Philippines — Gumagawa ng sariling pangalan ang panganay na anak ni Manny Pacquiao na si Jimuel matapos magtala ng unanimous decision win laban kay Kim Daryll Marquez sa isang amateur match sa Elorde gym sa Romacom Center sa Muntinlupa City.

Nakuha ni Jimuel ang boto ng tatlong hurado kung saan umiskor ito ng 30-26, 29-27, 30-24 desisyon laban kay Marquez.

Ito ang ikaapat na panalo ni Jimuel.

“This fight was good. It will make me work hard in the gym especially if you’re opponent is strong like that because you have to match it. There are so many talented and hardworking in boxing,” anang 18-anyos na si Jimuel.

Mas matindi aniya ang paghahandang ginawa nito para sa laban kumpara sa kanyang unang tatlong boksingerong hinarap.

“I’m in better shape this time. I trained and prepared hard for this fight so I can take a shot. This is also my first time boxing in for three minutes per round,” aniya.

Umaasa naman si Marquez na muli silang magtatagpo ni Jimuel sa hinaharap.

“It’s okay that I lost the fight, but I believe someday we’re going to face each other again,” ani Marquez.

Hindi napanood ng personal ni Manny ang laban dahil abala ito sa training camp sa Wild Card Gym sa Los Angeles, California upang paghandaan ang laban kay undefeated American fighter Keith Thurman sa Hulyo 20 (Hulyo 21 sa Maynila) sa MGM Grand Garden Arena sa Las Vegas, Nevada.