Kukunin na ng Toronto

OAKLAND, California — Nagkaroon ng pagkakataon ang Toronto Raptors na tapusin ang NBA Finals sa Game Five at makamit ang kauna-unahan nilang kampeonato.

Ngunit ngayon ay kailangan nila itong gawin malayo sa kanilang tahanan.

Pipilitin ng Raptors na itiklop ang kanilang serye ng Golden State Warriors sa Game Six ngayon sa Oracle Arena.

“The moment is the moment, but we still are staying in it,” sabi ni Toronto point guard Kyle Lowry. “We’re not too up, we’re not too down. We’re just, ‘One game, hey, we lost it.’ Now we’ve got to move on to the next one.”

Itinakas ng Golden State ang 106-105 panalo sa Game Five sa Toronto para ilapit sa 2-3 ang kanilang best-of-seven championship series.

Nagtala ang Raptors ng 3-0 record a home floor ng Warriors, ang dalawa rito ay sa NBA Finals.

“You’ve got to be a little more tough-minded on the road,” wika ni Toronto head coach Nick Nurse.

Nahirapan ang Raptors na limitahan si Klay Thompson, nagtala ng 20-for-35 shooting sa three-point range, ngunit matagumpay namang napatahimik ang iba pang Warriors kasama si Stephen Curry na may mahinang 33 percent sa 3-point line.

“They’re going to make shots. But you got to make them a little bit tougher sometimes,” ani Lowry kina Thompson at Curry.