Iba si Ibeh
Real deal kaya ang matinding ratsada ng NorthPort?
Ito ang katanungan ng marami sa 4-1 opening salvo ng mga Batang Pier sa PBA Commissioner’s Cup, at kasama rito ang tambak na panalo kontra sa mga powerhouse teams na TNT KaTropa (110-86) at San Miguel Beer (121-88).
Sumasagitsit ang kanilang simula sa midseason conference kahit na dalawang laro pa lamang ang nilalaruan ng kanilang injury-hit main local player na si Stanley Pringle.
Mapapansin din na epektibo ang koponan kahit na hindi naman kalakihan ang mga numerong kinakamada ni import Prince Ibeh (averaging 15.6 points, 17.4 rebounds, 1.6 assists).
Tumataba ang puso ni coach Pido Jarencio dahil nananalo sila sa pamamagitan ng total team effort.
Muling masusubukan ang kanilang katatagan kontra sa Philippine Cup runner-up Magnolia bukas sa Smart Araneta Coliseum.
Kung malulusutan ang Magnolia, malamang ay mag-contend ang NorthPort sa top two at twice-to-beat advantage sa quarterfinals dahil medyo mas magaan ang huling kalahati ng kanilang elims assignments.
Pagkatapos ng laban kontra Magnolia, haharapin ng NorthPort ang Rain or Shine, Blackwater, Phoenix, Columbian Dyip at Meralco.
Kumpiyansa ang NorthPort import na tatapos sila sa itaas.
“Our mindset is to beat our opponent every game, and that’s what we’ve been doing so far,” ani Ibeh na umaasang mas gaganda pa ang kanilang laro sa mga parating na laban. “I still haven’t been playing to my expectations.”
At tingin niya na hindi niya kailangan mag-deliver ng astronomical numbers para ipanalo ang kanyang koponan.
“I think everyone’s thinking that you have to come in and score 40, but there’s so much more to the game,” aniya
- Latest
