Sira na ang career dahil sa game-fixing?
Pumasok nga ba sa game-fixing case ang ilang manlalaro ng Centro Escolar U Scorpions?
Napangalanan na ang mga manlalarong allegedly ay nakisangkot sa bentahan ng laro na nangyari raw sa collegiate preseason event.
At minabuti pa ni CEU coach Derrick Pumaren na hindi na gamitin ang mga players na ito sa kampanya nila sa Filoil Flying V Preseason Cup at ganoon din sa PBA D-League.
May mga nagsasabing mukhang hindi maganda ang naging pag-handle ng CEU team sa kasong ito.
Dahil maselan at hindi naman daw sa D-League nangyari ang insidente, minabuti ni PBA Commissioner Willie Marcial na hands-off na lang sa kaso.
At press time, wala pang statement mula sa nagpapatakbo ng Collegiate Preseason Cup.
Sasarilinin na lang ba ng CEU ang paghawak sa kaso na ito? Mapapatunayan ba ang alegasyon? O hahayaan na lang na masira na ang pangalan ng mga players na akusado sa game-fixing?
Mas maganda ang kauuwian ng kaso na ito kung mapapangalanan din ang nagpapatakbo ng bentahan na ito – kung mayroon nga.
Meanwhile, malamang na mauuwing karagdagang lamang ang pitong CEU Scorpions sa mga dating nasira na ang pangalan sa pagkakasangkot sa kaparehong kaso.
Matagal ng usapin ang bagay na ito.
Talamak daw ito mula sa collegiate hanggang pro plays, pero laging hanggang doon na lang ang usapin.
*****
Nakakadalawang laro pa lamang ang Phoenix Pulse sa PBA Commissioner’s Cup, at dalawang hindi magandang eksena na rin ang kinasangkutan ni Fuel Master forward Calvin Abueva.
Mabigat ang banat na ibinigay ni Abueva kay Terrence Jones sa laro nila noong nakaraang gabi – bagay na maaring nakapagsimula ng free-for-all.
Dapat siguro ay medyo tigasan na ni PBA Kume ang hatol kay Abueva, para naman siya na mismo ang makapag-isip na dapat niyang rendahan ang kanyang sarili.
- Latest