Para sa korona
Beermen at Hotshots bakbakan sa Game 7
MANILA, Philippines — Sa best-of-seven title series ng San Miguel at Magnolia ay wala pang nakakapagtala ng back-to-back wins.
Inangkin ng Hotshots ang Games One, Three at Five, samantalang nagwagi ang Beermen sa Games Two, Four at Six patungo sa Game Seven ng 2019 PBA Philippine Cup.
Ayon kay one-time PBA MVP Arwind Santos ng nagdedepensang San Miguel, magiging mahalaga sa kanila ang execution ng game plan nila laban sa Magnolia.
“If you take a look at it, mayroon din silang championship experience and they’ve proven themselves. Talagang sa effort na ito magkakatalo,” wika ni Santos matapos ang 98-86 panalo ng Beermen sa Hitshots sa Game Six noong Linggo. “Kung sino ang mas gustong manalo, kung sino ang mas-focused, sila ang kukuha ng Game Seven.”
Magtutuos sa kahuli-hulihang pagkakataon ang San Miguel at Magnolia ngayong alas-7 ng gabi sa Smart Araneta Coliseum.
Puntirya ng Beermen ang kanilang pang-limang sunod na All-Filipino Cup, habang hangad naman ng Hotshots ang back-to-back title matapos maghari noong 2019 PBA Governor’s Cup.
Sina Santos, five-time PBA MVP June Mar Fajardo, Alex Cabagnot, Chris Ross, Marcio Lassiter, Terrence Romeo at Christian Standhardinger ang muling aasahan ng San Miguel katapat sina Paul Lee, Ian Sangalang, Mark Barroca, Rafi Reavis at Jio Jalalon ng Magnolia.
“We have a chance to grab it, and the guys are surely going for it,” wika ni Beermen coach Leo Austria.
Mula sa Game One ay tumayo nang underdog ang Hotshots sa serye.
“For as long as there’s a chance, we’ll try to take it,” ani Magnolia mentor Chito Victolero.
Naipanalo ng San Miguel ang dalawang Game Seven sa PBA Finals ng Philippine Cup noong 2015 at 2016.
- Latest