Team Philippines kumolekta ng 26 golds
MANILA, Philippines – Humakot ang national seniors athletics team ng 26 gintong medalya sa Singapore Masters Athletics’ 40th Anniversary Track and Field Tournament sa Bukit Gombak Stadium sa Singapore.
Pinangunahan ni dating Asian champion Erlinda Lavandia ang kampanya ng Pilipinas matapos kumana ng apat na gold medals sa women’s hammer throw W65 (20.81m), discus throw (18.99m), javelin throw (25.65m) at shot put (7.25m).
Si Dennis Scott ay may tatlong ginto sa men’s M70 class javelin throw (16.45m), 5,000m run (25:11.95) at 2,000m steeplechase (11:05.69) at si Elenita Punelas sa women’s long jump W45 (3.73m), shot put (6.46m) at 200m dash (30.32).
Nakasikwat ng dalawang ginto sina Sixto Ducay (men’s 10,000m run M50, 42.23.93, at 800m run, 2:24.43), Arnel Lobos (men’s 100m short hurdles M60, 18.19, at long jump, 4.40m), Antonio Chee (men’s javelin throw M40, 37.67m, at pole vault, 3.20m), Emerson Obiena (men’s pole vault M50, 3.70m, at discus throw, 30.11m), at Rene Herrera (men’s 1,500m run M35, 4:27.05, at 3,000m steeplechase, 10:13.93).
May tig-iisang gold medal sina Drolly Claravall sa women’s hammer throw W45 (15.28m), Rosejean Yparraguirre sa women’s long jump W40 (2.19m), Victorina Calma sa women’s 400m dash W40 (1:09.70), Maria Judith Staples sa women’s discus throw W45 (19.42), Danilo Fresnido sa men’s javelin throw M45 (54.39m), Edgar Pedregosa sa 800m run (2:36.45) at ang men’s 4x400m relay M60 (5:20.31).
- Latest