Philadelphia nakalapit sa East finals

PHILADELPHIA — Dalawang panalo na lamang ang layo ng 76ers para sa kanilang unang Eastern Conference finals appearance matapos noong 2001.

Humakot si star center Joel Embiid ng 33 points at 10 rebounds para tulungan ang Philadelphia sa 116-95 paggupo sa Toronto Raptors sa Game Three ng kanilang second-round series.

Inagaw ng 76ers ang 2-1 abante sa kanilang Eastern Conference semifinal series ng Raptors.

Hangad ng Philadelphia ang una nilang NBA championship sapul noong 1983.

Umiskor ang All-Star center na si Embiid ng 18 points sa first half kung saan itinayo nila  ang 64-53 kalamangan.

Muling nanguna si Embiid, tumipa ng 12-of-13 shooting sa free throw line, sa third quarter tampok ang isang three-point shot para itayo ang 12-point lead kontra sa Toronto.

Ang slam dunk naman ni Jimmy Butler, bumandera sa panalo ng 76ers sa Game Two para sel-yuhan ang kanilang tagumpay sa Raptors.

Nagdagdag si Butler ng 22 points.

Nagyakapan naman sina Hall of Famer Allen Iverson at rapper Meek Mill sa courtside seats para ipagdiwang ang panalo ng Philadelphia.

Pinamunuan ni Kawhi Leonard ang Toronto mula sa kanyang 33 points habang nagdagdag si Pascal Siakam ng 20 markers.

Ang 76ers ang host sa Game Four sa Linggo.