Max’s tutulong sa mga atleta
MANILA, Philippines – Yayakapin ng Max’s Group Inc. (MGI), ang casual dining powerhouse, ang bagong adboksiya sa kanilang pagsuporta sa Philippine sports.
Nakipagtambal ang MGI sa Philippine Olympic Committee (POC) para sa kampanya ng mga Filipino athletes sa 2020 Olympic Games na gagawin sa Tokyo, Japan.
Magbibigay ang flagbearer ng Filipino cuisine ng P10.5 milyon para suportahan ang humigit-kumulang sa 1,000 athletes, coaches at officials kasama ang mga Olympic bets na sina Olympic weightlifting silver medalist Hidilyn Diaz, SEA Games triathlon gold medalist Nikko Huelgas at Melbourne Cup Gymnastics gold medalist Carlos Yulo.
Ang nasabing investment ay ilalaan din para sa POC operations, catering para sa mga POC-related events at cash incentive na P3 milyon na ibibigay sa atletang makakapag-uwi ng gold medals.
Ang MGI ang unang major local brand na nangako ng suporta sa POC para sa 2020 Tokyo Olympics.
“We understand the work and support needed by our Filipino athletes to truly succeed in the global arena, and we want our athletes to thrive in this highly competitive environment,” sabi ni MGI President at Chief Executive Officer Robert F. Trota. “We’ve structured our pledge so that we address what we call the three Fs: Flagbearers, Families, and Fans. The Flagbearers, our athletes, will receive funds for their training and a cash prize of P3 million for gold medal wins. We will also make sure to nourish not just our Flagbearers, but also their Families, so they don’t have to worry about their welfare while they train for and compete,” dagdag pa nito.
- Latest
