SMBeer lalapit, Magnolia nakatabla
MANILA, Philippines — Matapos mahulog sa 0-2 ay dalawang sunod na panalo ang inilista ng Magnolia para tablahan ang Rain or Shine.
Nalampasan ng Hotshots ang pagbangon ng Elasto Painters mula sa 21-point deficit para itakas ang 94-91 panalo sa Game Four ng kanilang semifinals showdown sa 2019 PBA Philippine Cup kagabi sa Smart Araneta Coliseum.
“Hindi kami nag-give up, naniwala kami sa isa’t isa,” sabi ni Ian Sangalang, nagposte ng 19 points, 10 rebounds at 2 assists sa 2-2 pagtabla ng Magnolia sa kanilang best-of-seven semis duel ng Rain or Shine.
Ipinoste ng Hotshots ang 54-33 abante laban sa Elasto Painters mula sa da-lawang free throws ni Mark Barroca sa huling 1:46 minuto ng second period.
Napatalsik si Rain or Shine coach Caloy Garcia sa huling 1:43 minuto ng third quarter dahil sa kanyang ikalawang technical foul na nagresulta sa foul shot ni Paul Lee para sa 76-59 bentahe ng Magnolia.
Subalit nakabawi ang Elasto Painters at nakalapit sa 91-92 galing sa basket ni Maverick Ahanmisi sa huling apat na segundo sa fourth quarter.
Isinalpak naman ni Jio Jalalon ang dalawa niyang charities sa nala-labing 3.1 segundo para ibigay sa Hotshots ang 94-91 abante.
Samantala, muling pipilitin ng Beermen na makuha ang ikatlong panalo sa pagsagupa sa Fuel Masters ngayong alas-7 ng gabi sa Game Four ng kanilang semis wars sa 2019 PBA Philippine Cup sa Cuneta Astrodome sa Pasay City.
Inilusot ng Phoenix ang 92-90 panalo kontra sa San Miguel sa Game Three sa likod ng kaba-yanihan nina Matthew Wright at Calvin Abueva, umiskor ng tig-16 points.
“Siguro, bottom line ng winning is iyong toughness,” wika ni Fuel Masters mentor Louie Alas.
- Latest