Pasig, Bataan isasabak sa FIBA 3x3
MANILA, Philippines — Dalawang koponan ang babandera sa Pilipinas sa hangaring makasilat ng bigating 3x3 ballclubs sa 2019 FIBA 3x3 World Tour Masters sa Abril 18-19 sa Doha, Qatar.
Ito ang pagbabalik ng bansa sa World Tour Masters simula nang ipadala sina pro players Karl Dehesa, Troy Rosario, Calvin Abueva at Vic Manuel ng Manila North team noong 2015 kung saan sila nagtapos sa ikaanim na puwesto mula sa 12 nasyon.
Ipapadala ng bansa sa torneo ang Pasig Grindhouse Kings, tatawaging Pasig Chooks at ang Bataan Risers, dadalhin ang pangalan ng Balanga Chooks.
Nakasikwat ng tiket ang Pasig sa World Tour Masters matapos maghari sa Chooks Pilipinas President’s Cup.
Ang Bataan ay nakahabol sa World Tour matapos kumuha ng silver medal sa FIBA Chooks-to-Go Asia Super Quest.
Pangungunahan nina Taylor Statham, Joshua Munzon at ang imports na sina Nikola Pavlovic (Serbia) at Angelo Tsagarakis (France) ang Pasig sa Pool A, habang sina Alvin Pasaol, Leonard Santillan, Travis Franklin at Dehesa ang mamumuno para sa tropa ng Bataan.
- Latest