2-0 bentahe asam ng San Juan

MANILA, Philippines – Matutunghayan ng buong bansa ang ikalawang paghaharap ng Davao Occidental Tigers at San Juan Knights sa Maharlika Pilipinas Basketball League (MPBL) Datu Cup Finals, sa pagpapalabas ng Game 2 ng Live sa numero unong channel sa bansa na ABS-CBN ngayong alas-3:30 ng hapon at may livestreaming pa sa iWant Sports.

 Una nang nakasungkit ng panalo ang Knights kamakalawa, matapos nilang pataubin ang Tigers 84-74 sa pangunguna nina John Wilson at Mac Cardona sa Game 1 ng kanilang best- of-five series na ginanap sa Davao City Recreation Center.

Malaking bagay para sa liga na pagmamay-ari ni Pinoy boxing icon Manny Pacquiao na umere sa ABS-CBN, ang numero unong channel sa bansa at sa iWant Sports. Napapanood lamang ang mga laro ng liga sa S+A at S+A HD sa gabi ng mga masugid na fans ng basketball.

 Pinaglalabanan ng dalawa ang pambansang kampeonato matapos maghari sa kani-kanyang dibisyon. Dinurog ng Tigers ang Batangas City Athletics sa iskor na 66-51 sa huling laro ng South Division finals at sinandalan naman ng San Juan ang kanilang depensa kontra sa  Manila Stars tungo sa kanilang  84-75 tagumpay  at paghahari ang North Division finals.

 Ito ang unang beses na maipapalabas ang laro sa MPBL na nasa ikala-wang taon na, sa ABS-CBN. Napapanood ang mga laban sa ligang itinatag ni Sen. Manny Pacquiao sa sports channel ng ABS-CBN na S+A sa free TV at S+A HD sa cable TV. Sa format nitong home and away, agad itong kinagiliwan ng mga basketball fan sa buong bansa lalo na at napapanood  sa “Liga ng Ba-yan” ang mga nagbabalik na basketball star mula sa professional at collegiate leagues at mga magagaling na manla-laro na hindi pa nadiskubre  na galing mismo sa kanilang lugar.

Para sa mga karagdagang istorya at balita sa “Liga ng Bayan” na MPBL, sundan lamang ang @ABSCBNSports sa Twitter at Facebook o bumisita sa sports.abs-cbn.com.