Rockets nagsalpak ng 26 tres laban sa Kings
SACRAMENTO, Calif. — Hindi nahiya ang Houston Rockets na basagin ang sarili nilang NBA record para sa pinakamaraming isinalpak na three-pointers sa isang laro.
Kumolekta si star guard James Harden ng 36 points at 10 assists at pinantayan ng Rockets ang kanilang 26 triples sa 130-105 pagpapabagsak sa bisitang Sacramento Kings.
Umangat ang Houston (50-28) sa Portland para sa third place sa Western Conference.
“The ball is moving, guys are getting shots, guys are getting opportunities and capitalizing on it,” sabi ni Harden. “It’s going to be vital for us late in the stretch and heading into the postseason.”
Umiskor si Harden ng 23 points sa first half tampok ang tatlo sa kanyang isinalpak na pitong triples sa third quarter para ibigay sa Rockets ang 114-89 kalamangan laban sa Kings.
Nag-ambag sina Eric Gordon at Danuel House Jr. ng tig-19 points, habang humakot si Kenneth Faried ng 12 points at 11 rebounds para sa Houston, nakahugot din kay P.J. Tucker ng 13 points.
Pinamunuan naman ni Buddy Hield ang Sacramento mula sa kanyang 20 points at 7 rebounds.
Sa Oakland, California, pinatumba ng Golden State Warriors ang Denver Nuggets, 116-99, sa matchup ng top two teams sa Western Conference.
Kumolekta si DeMarcus Cousins ng season-best 28 points mula sa 12-for-17 fieldgoal shooting bukod pa ang 12 rebounds, 5 assists at 2 blocks para sa Warriors na ngayon ay may two-game lead at tiebreaker kontra sa Nuggets.
Nagdagdag si Kevin Durant ng 21 points at 9 assists, habang kumamada naman si Stephen Curry ng 17 points, 5 rebounds at 5 assists para sa Golden State.
Tumipa naman si guard Jamal Murray ng 17 markers sa panig ng Denver.
Sa Oklahoma City, kinilala si Russell Westbrook bilang ikalawang player sa NBA history na nagtala ng 20 points, 20 rebounds at 20 assists sa isang laro.
Binanderahan ni Westbrook ang 119-103 panalo ng Thunder laban sa bisitang Los Angeles Lakers.
Kinumpleto ni Westbrook ang kanyang marka sa pamamagitan ng isang rebound sa huling minuto ng fourth period kasunod ang matinding standing ovation ng home crowd.
Tumapos siya na may 20 points, 20 rebound at 21 assists para sa kanyang ika-31 triple-double sa season.
Si Wilt Chamberlain ang isa pang player na nagposte ng nasabing record mula sa kanyang 22 points, 25 rebounds at 21 assists sa isang laro noong 1968.
Pinamunuan naman ni Kentavious Caldwell-Pope ang Lakers mula sa kanyang 23 points.
Sa San Antonio, umiskor si star guard DeMar DeRozan ng 29 points para akayin ang Spurs sa 117-111 panalo laban sa bisitang Atlanta Hawks.
- Latest
