Jockey Serrano pinatawan ng suspensyon
MANILA, Philippines — Napatawan ng 18 racing days suspension si class B rider Jericho Ser-rano ng Board of Stewards matapos ma-disqualify ang sinakyan nitong si Mika Mika Mika sa Condition Race na ginanap sa San Lazaro Leisure Park, Carmona, Cavite noong Huwebes ng gabi.
Reckless riding at hindi pagsunod sa “two-horse length rule” kaya nasuspindi si Serrano.
Nagkaroon ng aksidente sa biglang pagku-ha ng balya ni Serrano at nalaglag si apprentice rider MP Laloma na nirendahan si Awat Na Boy.
Kuwento ni Laloma na sinisigawan na niya si Serrano na magkakasagian sila kapag bumalya agad pero nagtuloy pa rin ito kaya nagkaroon ng aksidente.
Nagpaliwanag naman si Serrano pero nagkasundo ang BoS na bigyan siya ng parusa.
“An inquiry for 1st place was called when JG Serrano (#7 Mika Mika Mika) made contact with MP Laloma (#4 Awat na Boy) in the 3/4 marker. JG Serrano explained that the mount of MP Laloma has still enough room despite his ride swerving in. MP Laloma stated that prior to the point of contact that he was already shouting JG Serrano to avoid collision.” Ayon sa ibinabang liham ng BoS.
Kaya naman nang mabago ang desisyon sa pagkapanalo ng Mika Mika Mika ay laglag ang balikat ng mga liyamadista.
Pera na naging bato pa, ayon sa mga kareristang nakataya sa Mika Mika Mika.
“Nakataya ako kay Mika Mika Mika, pero wala naman akong masabi sa naging desisyon ng Board of Stewards, tama sila kailangan bigyan ng leksyon si JG Serrano sa pagiging reckless nito sa pagdadala,” ani Jessie Aguila, mananaya.
Unang tumawid ng meta si Mika Mika Mika umoras ng 1:26.6 minuto sa 1,300 meter race su-balit nagkaroon ng insidente sa unang kurba sanhi ng kanyang pagka-disqualify.
Sa unang likuan ng karera, kinukuha ni Serrano ang unahan pero bumalya ito at napilitang pumigil si Laloma dahilan ng kanyang pagkakalaglag.
Lumanding sa pina-kahuli si Mika Mika Mika at ibinigay ang panalo sa nasegundong si Awesome na isang dehado, nakopo ng My Lady Conza ang second place at tersero si Double Rock.
- Latest
