All-set na ang lahat para sa Batang Pinoy Mindanao leg

MANILA, Philippines — Handa na ang lahat para sa opening ceremony ng Mindanao Qualifying leg ng 2019 Philippine National Youth Games – Batang Pinoy sa February na  iho-host ng Davao Del Norte.

Sinabi ni Philippine Sports Commission (PSC) Chairman William “Butch” Ramirez kahapon na nasa ayos na ang lahat ng preparasyon at bumalik na sa normal ang sitwasyon sa Davao Del Norte matapos ang mga napaulat na pagbaha dahil sa malakas na ulan.

“Wala naman na-cancel,” sabi ni Ramirez. “They are almost back to normal na including doon sa mga apektado ng baha. The opening of the Batang Pinoy Mindanao leg will be on February 3.”

Nag-post ang City Government ng Davao Del Norte sa Facebook na suspendido ang mga klase sa lahat ng levels sa Tagum City kahapon.

“The suspension of classes in Tagum City is still in effect. How-ever, students of private schools and tertiary institutions are advised to check with their school authorities if they will be holding classes tomorrow. This decision is hinged on the following reasons: 1. The flood in low-lying areas in affected barangays has not yet subsided, and 2. Some schools are still being used as evacuation centers,” naka-post sa Facebook.

Ang Batang Pinoy - Mindanao Qualifying Leg ay gaganapin sa February 2-9 at sabik na si Davao Del Norte Governor Antonio del Rosario at Provincial Government Department Chief and Youth and Sports Development head Giovanni Gulanes sa pagho-host ng multi-sports meet para sa mga batang 15-gulang at pababa.

Ang Batang Pinoy Mindanao Leg ang una sa tatlong qualifying tournaments na katatampukan ng mga out-of-school at in-school students at athletes na nakatakda ngayong taon para sa mass-based at grassroots sports development program ng PSC.