Kailangan nang bumili ng equipments ng PSC

MANILA, Philippines — Hinikayat ni Philippine Sports Commission chairman William “Butch” Ramirez ang iba’t ibang national sports associations (NSAs) na magsumite na sa kanilang mga kakailanganing sports equipments para gagamitin sa darating na 30th Southeast Asian Games na gaganapin dito sa bansa sa Nov. 30 hanggang Dec. 11 sa taong ito.

Sinabi ni Ramirez na kailangan ang mahabang panahon sa pagbili ng mga equipments lalung-lalo na ‘yung bibilhin sa labas ng bansa.

Ayon kay Ramirez na mahigit 10 NSAs pa lamang ang nagsumite sa mga nasabing importanteng requirements matapos ang ibinigay na deadline noong Disyembre ng nakaraang taon.

“We gave them deadline so submit their requirements last November last year. But we have to extend it on December because none submitted. It’s hard to purchase these equipments especially those that we have to buy overseas because we have to order it first,” sabi ni Ramirez kahapon.

Ngunit kahit lumampas na ang ikalawang ibinigay na deadline, tatanggapin pa rin umano ng PSC ang kanilang mga kakailanganin, pero hindi na puwedeng sisihin pa ang ahensiya ng gobyerno kung hindi makarating sa tamang panahon ang mga equipments na ito, ayon pa kay Ramirez.

“They can’t blame us if these equipments can’t come on time for the Sea Games. We gave them enough time to submit these requirements,” dagdag ni Ramirez.

Ayon pa kay Ramirez na hindi nila ire–release ang pondo sa mga NSAs para sa 2019 Sea Games mula sa sinasabing P7.5 bilyon budget na nakalahad sa General Appropriation Act 2019 kung hindi detalyado ang kanilang financial requirements alinsunod sa patakaran ng Commission on Audit.

“There is a law regarding disbursement of fund from the COA. If the request for financial allocations is not in details, we will not release any funding because everything should follow the rules of the COA. If they can’t substantiate the requirements, we will not release any funding. Everything now should follow the COA rules,” pahayag ni Ramirez.

Sinisiguro ni Ramirez na ang Sea Games ay matutuloy kahit masikip na iskedyul na halos mahigit sampung buwan na lamang bago ang nakatakdang opening sa Nov. 30.

“It’s the commitment of Pres. Duterte (Rodrigo), it’s the commitment of our government. President Duterte assured delegates during the ASEAN Summit that the Sea Games will push through and all requirements will be addressed,” aniya.