Biado lusot sa Last 16

MANILA, Philippines – Lumilipad pa ang ban­dila ng Pilipinas ma­ta­pos magtala ng dalawang sunod na panalo si reigning champion Carlo Biado para umusad sa Last 16 ng 2018 World 9-Ball Championship sa Al-Attiya Sports Arena sa Al-Arabi Sports Club sa Doha, Qatar.

Naitarak ni Biado ang 11-7 panalo laban kay Konrad Juszczy­szyn ng Poland sa first round kasunod ang 11-9 pagbomba kay Vitaliy Patsura ng Ukraine sa knockout stage.

Target ni Biado na makahirit ng ti­ket sa quarterfinals sa pag­ha­rap kay dating world champion Wu Jiaqing ng China na namayani kina Japanese bets Tomoya Iima sa first round (11-4) at Toru Kuriba­yashi sa second round (11-6).

Nakatakda rin ang sal­pukan nina Robbie Ca­pito ng Hong Kong at Joshua Filler ng Germany, Albin Ouschan ng Austria at Wiktor Zielin­ski ng Poland, Niels Fei­jen ng Netherlands at Ale­xandros Kazakis ng Greece.