SEA Games count down sinimulan na

MANILA, Philippines — Sisimulan na ngayong araw ang Countdown para sa Philippine Southeast Asian Games na nakatakdang idaraos dito sa bansa sa Nobyembre 30 hanggang sa Disyembre 10 sa susunod na taon.

Pangungunahan nina Philippine Sea Games Organizing Committee chairman Allan Peter Cayetano, Philippine Sports Commission chairman William Ramirez at Philippine Olympic Committee president Ricky Vargas ang One Year Countdown celebration na gaganapin sa Bayanihan Park ng New Clark City sa Angeles City.

Ang nasabing Countdown ay isang tradisyon ng Sea Games simula pa noong 1959 sa Bangkok, Thailand.

Sa inisyal nilang pagtitipon sa nakaraang linggo, napagkasunduan ang mahigit 56 disciplines sa kabuuang 529 events ang paglalabanan sa 2019 edisyon, ang pang-apat na hosting ng bansa sa beinneal meet kasunod noong 1981, 1991 at 2005.

Kabilang sa inisyal na kinkunsider ang  athletics, aquatics, archery, badminton, baseball/Softball, basketball, billiards, 10-pin bowling, boxing, canoe/traditional boat race, chess, cycling, dance sport, fencing, football, golf, gymnastics, handball, hockey, ice hockey, ice skating, judo, karatedo, modern pentathlon, muay, pencak silat, polo, rowing, rugby sevens, sailing/windsurfing, sepak takraw, skateboarding, shooting, soft tennis, squash, surfing, table tennis, triathlon, volleyball, weightlifting, wrestling at wushu.

Kinukonsider din ang arnis, e sports, floorball, jujitsu, kickboxing, kurash, lawn bowls/petanque, netball, obstacle course, sambo/vovinam, underwater hockey at wakeboarding.