La Salle Greenhills o MIT Red Robins?
MANILA, Philippines — Pag-aagawan ng nag-dedepensang CSB-LSGH Greenies at Mapua Red Robins ang titulo ngayon sa do-or-die game ng Season 94 NCAA basketball tournament Junior’s Division Finals sa Mall of Asia Arena sa Pasay City.
Asam ng CSB-La Salle Greenies ang back-to-back title habang hangad naman ng Red Robins na pumantay sa San Beda Red Cubs bilang most winningest sa junior’s division sa kanilang paghaharap sa alas-2 ng hapon.
Umabot sa winner-take-all match ang best-of-three Finals matapos magwagi ang Red Ro-bins, 85-76 sa Game 2 noong Lunes upang bumawi sa kanilang 69-74 talo sa Game 1 noong Nobyembre 6.
Sa pagkawala ni Clint Escamis dahil sa injury sa kaliwang tuhod, sumandal ang Mapua nina Dan Arches, Paolo Hernandez at Jonnel Policarpio para manatiling buhay ang asam na pang-22nd korona sa liga.
“The player knows we have to win without our bets player and I’m so proud that the team stepped up big in Game Two to give us a chance at winning another championship,” sabi ni Mapua coach Randy Alcantara.
Ito na ang ikatlong sunod na maglalaro ang Red Robins sa Game 3 kabilang na ang kanilang runner-up finish sa nakaraang taon sa likuran ng Greenies.
“We need to really play intelligently and keep away from foolish fouls that we committed last year,” dagdag ni Alcantara.
Sa panig naman ng Greenies, inaasahan ang muling hataw ni Joel Cagulangan, ang Finals MVP sa nakalipas na taon.
- Latest
