La Salle puntirya ang ikatlong semis seat

MANILA, Philippines — Hangad ng nagdedepensang Ateneo Blue Eagles ang pang-12 pa­na­lo sa pagharap sa UST Growling Tigers, habang asam naman ng La Salle Green Archers ang ikatlong semifinals berth kon­tra sa UP Fighting Ma­roons sa Season 81 UAAP men’s basketball tournament sa Mall of Asia Arena sa Pasay City.

Haharapin ng Blue Eagles ang Growling Tigers ngayong alas-2 ng hapon, habang kaila­ngan ng Green Archers na manalo sa Fighting Maroons sa alas-4 ng hapon upang masiguro ang pagpasok sa Final Four.

Tanging ang namu­mu­nong Blue Eagles (11-2) at pumapangalawang Adamson Soaring Falcons (10-3) ang pasok na sa semifinal round at nasa kanilang kamay na rin ang dalawang ‘twice-to-beat’ advantage bilang top two teams matapos ang double round elimination.

Ang huling dalawang slots ay pag-aagawan naman ng Green Archers, FEU Tamaraws at Figh­ting Maroons, habang nag­wakas na ang pag-asa ng Tigers, NU Bulldogs at UE Red Warriors.

Ngunit kung magwa­wagi ang La Salle laban sa UP ay makukuha ng Taft-based team ang ikatlong semis berth.

Pero hindi pa mag­wa­wakas ang tsan­sa ng UP dahil kung matatalo ang FEU sa Adamson sa Linggo ay magkakaroon ng two-way tie sa huling slot sa Final Four.

Kung mangyayari ang two-way tie sa fourth spot sa pagitan ng UP at FEU ay malaki ang bentahe ng Tamaraws dahil ti­nalo ni­la ang Fighting Ma­roons, 89-73, sa first round no­ong Setyembre 23 bago nakabawi ang huli sa ka­nilang muling pagtutuos sa se­cond round, 95-82.