Chooks to Go-NCAA pc Player of the Week
MANILA, Philippines — Humataw si Larry Muyang ng double-double performance sa sorpresang 80-79 panalo ng Letran Knights laban sa Lyceum Pirates noong Biyernes sa 94th NCAA basketball tournament sa FilOil Flying V Center sa San Juan City.
Dahil sa kanyang 23 puntos sa near-perfect 11-of-12 shooting sa field na may kasamang 16 rebounds at apat na blocks umangat ang Knights sa 11-4 win-loss kartada at nanatiling buhay ang pag-asa sa huling twice-to-beat advantage berth.
Sa ngayon ang Letran ay nanatili sa ikatlong puwesto sa likuran ng San Beda Red Lions (14-1) at Lyceum (14-2).
Napili si Muyang bilang Chooks-to-Go Collegiate Press Corps NCAA Player of the Week upang maging pang-limang Knights na ginawaran sa lingguhang individual plum kasunod nina Bong Quinto, JP Calvo, Jerick Balanza at Koy Galvelo.
Ang panalo ng Letran ay ipinagkaloob ni Muyang sa kanyang best friend at teammate na si Jerrick Balanza na dumalo para mag-cheer sa laro matapos sa matagumpay na brain surgery.
“Noong una, hindi ko napansin si Jerick (Balanza), tapos bigla rin niya akong tinawag kanina. Tapos parang biglang nabuhayan ako ng dugo kasi sabi nga ni Bong (Quinto), ‘yung kapatid namin nanonood,” sabi ni Muyang.
- Latest
